ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම පිළිබඳව එහිදී සාකච්ඡා කිරීමට නියමිතව ඇත.
ඊට පෙර දිනයේ (18) පස්වරුවේ ශ්‍රී ලංකා පොදුජන පෙරමුණ විශේෂ සාකච්ඡාවක් පවත්වා තිබේ. එම සාකච්ඡාවේදී පළාත් පාලන මැතිවරණ සඳහා සුදානම් විය යුතු ආකාරය සම්බන්ධයෙන් අවධානය යොමු කළ බව නාමල් රාජපක්ෂ මන්ත්‍රීවරයා සඳහන් කර ඇත.