මහජන ආරක්ෂණ හා පාර්ලිමේන්තු කටයුතු අමාත්‍යාංශය පවසන්නේ, ආගමන විගමන දෙපාර්තමේන්තුව පැය 24 පුරාවටම විවෘතව තබා ගැනීමට පියවර ගෙන ඇති බවයි. මෙම ක්‍රියාමාර්ගය ඊයේ (18) රාත්‍රියේ සිට අනුගමනය කරන බව ද ඔවුන් සඳහන් කරයි.
මීට අමතරව, දෛනිකව විදේශ ගමන් බලපත්‍ර 4000ක් නිකුත් කිරීමට ද පියවර ගෙන ඇති බව අමාත්‍ය ආනන්ද විජේපාල මහතා ප්‍රකාශ කර ඇත.
එසේම, අමාත්‍යවරයා ප්‍රකාශ කර ඇත්තේ, කොළඹ කොටුවේ සිට බත්තරමුල්ල දක්වා රාත්‍රි කාලයේදී ලංගම බස් සේවාවක් ද අද සිට ක්‍රියාත්මක කරන බවයි.