මිද්දෙණිය පොලිස් වසමේ කඩේවත්ත හන්දියේදී සිදුවූ වෙඩිතැබීමකින් පියෙකු සහ ඔහුගේ හය හැවිරිදි දියණිය මියගොස් ඇති බව පොලීසිය පවසයි.
ගල්පොත්ත පාර ප්‍රදේශයේ පදිංචි වයස අවුරුදු 39ක් වූ පුද්ගලයෙකු යතුරුපැදියකින් ගමන් කරමින් සිටියදී නාඳුනන පිරිසක් විසින් වෙඩි තබා ඇති අතර, ඔහු සිද්ධිය වූ ස්ථානයේදීම මියගොස් තිබේ.
වෙඩිතැබීමෙන් මරණකරුගේ දරුවන් දෙදෙනාද තුවාල ලබා ඇති අතර, තංගල්ල රෝහලට ඇතුළත් කළ වයස අවුරුදු 06ක් වූ දියණිය මියගොස් ඇත. පුතා ඇඹිලිපිටිය රෝහලට ඇතුළත් කර තිබේ.
පොලීසිය සඳහන් කරන්නේ මෙම වෙඩිතැබීම සඳහා ටී-56 වර්ගයේ ගිනිඅවියක් භාවිතා කර ඇති බවට සැක කරන බවත්, සැකකරුවන් අත්අඩංගුවට ගැනීම සඳහා විමර්ශන ආරම්භ කර ඇති බවත්ය.