කැබිනට් මාධ්‍ය ප්‍රකාශක වෛද්‍ය නලින්ද ජයතිස්ස, ගනේමුල්ල සංජීවගේ ඝාතනය සිදුකළ වෙඩික්කරුට පලා යෑමට උදව් කළ බව කියන රියැදුරු පිළිබඳව ප්‍රකාශයක් සිදුකළේය. මෙම ප්‍රකාශය සිදුකරන ලද්දේ අද (20) පැවති කැබිනට් තීරණ දැනුම්දීමේ සාකච්ඡාවේදී මාධ්‍යවේදීන් නැගූ ප්‍රශ්නවලට පිළිතුරු දෙමිනි.
අත්අඩංගුවට ගත් සැකකරුගේ නම මහේෂ් සම්පත් ප්‍රියදර්ශන බව සඳහන් කළ අමාත්‍යවරයා, ඔහුගේ වයස අවුරුදු 44ක් බවද පැවසීය. දැනට වාර්තාවන පරිදි වෙඩික්කරු පුත්තලමට ප්‍රවාහනය කර ඇත්තේ මෙම පුද්ගලයා බවද අමාත්‍යවරයා වැඩිදුරටත් ප්‍රකාශ කළේය.