ගණේමුල්ල සංජීව ඝාතනය කිරීම සඳහා පැමිණි වෙඩික්කරුගේ පෙම්වතිය යැයි කියන කාන්තාවක් මහරගම පොලීසිය විසින් අත්අඩංගුවට ගෙන කොළඹ අපරාධ කොට්ඨාසය වෙත භාරදී තිබේ.
මේ වනවිට හෙළි වී ඇත්තේ ගණේමුල්ල සංජීව ඝාතනය කිරීමෙන් පසු වෙඩික්කරු තම පෙම්වතියද රැගෙන රටින් පිටවීමට සූදානම්ව සිටි බවයි. ඒ සදහා ඇයව මීගමුව ප්රදේශයට රැගෙන යෑමට පුද්ගලයෙක් මහරගම ප්රදේශයට පැමිණ තිබේ.
පොලීසිය විසින් එම පුද්ගලයාවද අත්අඩංගුවට ගෙන වැඩිදුර විමර්ශන සඳහා කොළඹ අපරාධ කොට්ඨාසය වෙත භාර දී ඇත. මෙම අත්අඩංගුවට ගැනීම් කර ඇත්තේ බස්නාහිර පළාත දකුණ භාර නියෝජ්ය පොලිස්පති ගයංග මාරපන මහතාගේ උපදෙස් මත ය.