රථ වාහන අනතුරු අවම කිරීමේ අරමුණෙන්, අමෙරිකාවේ නිෂ්පාදනය වූ නවීන තාක්ෂණික SPEED GUN උපාංග ශ්‍රී ලංකා පොලීසියට ලබා දී ඇති බව ජ්‍යෙෂ්ඨ පොලිස් අධිකාරි, අධ්‍යක්ෂ රථ වාහන පාලන හා මාර්ග ආරක්ෂාව භාර මනෝජ් රණවල මහතා ප්‍රකාශ කර සිටියි.
මෙම උපාංගය රාත්‍රී කාලයේදී ද ඉතා සාර්ථකව භාවිතා කළ හැකි අතර, කිලෝමීටර් 1.2ක් (මීටර් 1200ක්) දුරකින් පවා මෝටර් රථයක් හඳුනා ගැනීමේ හැකියාව ඇති බව ඔහු සඳහන් කරයි.
මෙම උපාංගය හරහා රථවාහනයේ වේගය, රියදුරුගේ ඡායාරූපය සහ වාහන අංකය වැනි විස්තර ලබා ගත හැකි අතර, පටිගත කරන ලද වීඩියෝ පටයන් අධිකරණයේ සාක්ෂි ලෙස ඉදිරිපත් කිරීමේ හැකියාව ද ඇති බව ඔහු තවදුරටත් පැහැදිලි කරයි.