කොළඹ කොට්ඨාසයේ උප දුම්රිය ස්ථානවල සහන සේවයේ නිරත වී සිටින සියලු‍ම දුම්රිය ස්ථානාධිපතිවරුන් අද (31) මධ්‍යම රාත්‍රියේ සිට ක්‍රියාත්මක වන පරිදි උප දුම්රිය ස්ථානවල රාජකාරිවලින් ඉවත් වීමට තීරණය කර තිබෙනවා.
දුම්රිය ස්ථානාධිපතිවරුන්ගේ සංගමය සදහන් කළේ, දුම්රිය ස්ථානාධිපතිවරුන්ට බලපා ඇති ගැටළු විසඳීමට පියවර නොගැනීම සහ ස්ථානාධිපති සේවයේ දැනට පවතින පුරප්පාඩු පිරවීමට කටයුතු නොකිරීමට විරෝධය පළ කරමින් මෙම තීරණය ගෙන ඇති බවයි.
කෙසේ වෙතත්, මෙමගින් දුම්රිය ධාවනයට බාධා මතුවන්නේ නැහැ.