කොළඹ පාරිභෝගික මිල දර්ශකය අනුව ගණනය කළ උද්ධමනය, 2025 පෙබරවාරි මාසයේ වාර්තා වූ සියයට ඍණ 4.2 සිට 2025 මාර්තු මාසයේ දී සියයට ඍණ 2.6 ක් දක්වා ඉහළ ගොස් ඇත. ජනලේඛන සහ සංඛ්‍යාලේඛන දෙපාර්තමේන්තුව විසින් නිකුත් කළ නවතම වර්තාවක මේ බව දැක්වේ.
ආහාර කාණ්ඩයේ උද්ධමනය 2025 පෙබරවාරි මාසයේ දී වාර්තා වූ සියයට ඍණ 0.2 මට්ටමේ සිට 2025 මාර්තු මාසයේ දී සියයට 0.6 ක් දක්වා ඉහළ ගොස් ඇත. එසේම 2025 පෙබරවාරි මාසයේ දී සියයට ඍණ 6.1 ක් ලෙස සටහන් වූ ආහාර නොවන කාණ්ඩයේ උද්ධමනය 2025 මාර්තු මාසයේ දී සියයට ඍණ 4.1 ක් දක්වා වැඩි වී තිබේ.