ඇමරිකානු ජනාධිපති ඩොනල්ඩ් ට්‍රම්ප් ලොව පුරා රටවල් සඳහා ‘අන්‍යෝන්‍ය’ තීරු බදු ප්‍රකාශයට පත්කර තිබෙනවා. ශ්‍රී ලංකාවෙන් ලැබෙන සියලුම භාණ්ඩ සඳහා 44%ක තීරු බදු ද ඊට ඇතුළත්.
විදෙස් මාධ්‍ය වාර්තා කරන පරිදි, ශ්‍රී ලංකාව මත පනවා ඇති 44% තීරු බදු, එක්සත් ජනපදය විසින් ආසියානු රාජ්‍යයක් මත පනවා ඇති සිව්වැනි ඉහළම තීරු බදු වෙයි.
2024 දී, එක්සත් ජනපදය ලංකාවෙන් ඇමරිකානු ඩොලර් බිලියන 3කට වඩා ආනයනය කළ අතර, එමගින් එය ලොව පුරා ලංකාවේ ඉහළම ගැනුම්කරු බවට පත්විය.
වාර්තා වන අනුව, නව තීරු බදු මෙම ආනයන වැඩි ප්‍රමාණයක් කපා හැරීමේ අවදානමක් ඇති කරන අතර එය ශ්‍රී ලංකා ආර්ථිකයට බරපතළ තර්ජනයක් විය හැකිය.
තවදුරටත් සඳහන් වන පරිදි, වියට්නාමය සඳහා 46%, චීනය සඳහා 34%, ඉන්දියාව සඳහා 26%, පිලිපීනය සඳහා 17% සහ සිංගප්පූරුව වෙනුවෙන් 10% ක තීරු බදු අනුපාත ක්‍රියාත්මක වේ.