කාලගුණ විද්‍යා දෙපාර්තමේන්තුව විසින් ප්‍රබල අකුණු පිළිබඳ අවවාදාත්මක නිවේදනයක් නිකුත් කර ඇත.
අද (07) පෙරවරු 02.00ට නිකුත් කළ මෙම අනතුරු ඇඟවීම අද රාත්‍රී 11.00 දක්වා වලංගු වනු ඇත.
සබරගමුව, මධ්‍යම සහ ඌව පළාත් සහ හම්බන්තොට දිස්ත්‍රික්කයේ සවස් යාමයේ හෝ රාත්‍රියේ තැනින් තැන ප්‍රබල අකුණු සහිත ගිගුරුම් වැසි ඇති විය හැකිය.
මීට අමතරව, කාලගුණ විද්‍යා දෙපාර්තමේන්තුව අවධානය යොමු කරන්නේ ගිගුරුම් සහිත වැසි සමග තාවකාලිකව තද සුළං පැමිණීමේ අවධානමක් ඇති බවයි.
අකුණු සහ සුළං මතුවීම හේතුවෙන් ඇතිවන අනතුරු වළක්වා ගැනීම සඳහා ජනතාව අවශ්‍ය පූර්වාරක්ෂාමයන පියවර ගැනීමට දෙපාර්තමේන්තුව ඉල්ලා සිටියි.