ජාතික ජන බලවේගය මේ වන විට පළාත් පාලන ආයතන 192ක පාලන බලය හිමිකර ගැනීමට සමත්ව තිබෙනවා.
ඒ අනුව පළාත් පාලන අයතන 151ක සෘජු බහුතරයක් ලබා ගත් අතර, තවත් ආයතන 40ක බලය ඡන්ද විමසීමේදී බහුතර බලය හිමිකර ගනිමින් බලය පිහිටුවා තිබෙනවා.
ජාතික ජන බලවේගයට බහුතරයක් නොතිබුණද කල්පිටිය ප්‍රාදේශීය සභාවේ පාලන බලයද තම පාලනය යටතට පත් කර ගැනීමත් සමඟ ජාතික ජන බලවේගය පරිපාලනය කරන ලද මුළු සභා සංඛ්‍යාව 192 දක්වා ඉහළ ගියා.
කොළඹ, කළුතර, ගාල්ල, කුරුණෑගල පුත්තලම සහ නුවරඑළිය මහ නගර සභා ඇතුළු රටේ ප්‍රමුඛතම නාගරික පළාත් පාලන ආයතන ගණනාවක පාලන බලය ද මේ වන විට ජාතික ජන බලවේගය හිමිකර ගෙන තිබෙනවා.
ආගරපතන, කොටගල සහ නුවරඑළිය ප්‍රාදේශීය සභාවල, ලංකා කම්කරු කොංග්‍රසය විසින් සභාපති ධුර දරන ලද අතර, නියෝජ්‍ය සභාපති ධූරය ජාතික ජන බලවේගයේ නියෝජිතයන්ට හිමි වුණා.
ජාතික ජන බලවේගය හැර අනෙකුත් පක්ෂවල පාලනය යටතේ ඇති මුළු සභා සංඛ්‍යාව 53ක් වන ඇති අතර බාධා කිරීම් හේතුවෙන් සභා හතරක පරිපාලනය පිහිටුවීම ප්‍රමාද වී තිබෙනවා.
සීතාවකපුර නගර සභාව, සීතාවකපුර ප්‍රාදේශීය සභාව සහ මාවතගම ප්‍රාදේශීය සභාවේ සැසිවාර රහස් ඡන්ද විමසීම් අතරතුර ඇති වූ ආරාවුල් හේතුවෙන් අත්හිටුවන ලැබුවා.
ආරච්චිකට්ටුව ප්‍රාදේශීය සභාවේ මංගල සැසිවාරය අභ්‍යන්තර පරිපාලන ගැටලු හේතුවෙන් කල් දමා තිබෙනවා.
පළාත් පාලන ආයතන 339න්, ජුනි 20 වන විට සභා 245ක පරිපාලනය පිහිටුවා තිබෙනවා.