2025.07.14 දින සවස් භාගයේදී, මොරටුව පොලිස් ස්ථානයේ නිලධාරීන්ට ලැබුණු තොරතුරක් මත වැටලීමක් සිදුකරන ලදී. මෙම ක්රියාවලියේදී ව්යාජ රුපියල් 5,000/- මුදල් නෝට්ටු 10 ක් සමඟ සැකකාරියක් අත්අඩංගුවට ගන්නා ලදී.
අත්අඩංගුවට ගන්නා ලද සැකකාරිය රාවතාවත්ත, මොරටුව ප්රදේශයේ පදිංචිකාරිනියක වන අතර ඇගේ වයස අවුරුදු 52 කි.
පසුව සිදුකළ වැඩිදුර පරීක්ෂණවලදී, සැකකාරියගේ නිවසේ ව්යාජ මුදල් නෝට්ටු මුද්රණය කිරීම සඳහා භාවිතා කරන ලද මුද්රණ යන්ත්රයක් හමුවිය. ඊට අමතරව, ව්යාජ රුපියල් 5,000/- නෝට්ටු 25 ක්, රුපියල් 1,000/- නෝට්ටු 8 ක්, රුපියල් 100/- නෝට්ටු 1 ක් සහ රුපියල් 20/- නෝට්ටු 2 ක්ද අත්පත් කරගන්නා ලදී.
මොරටුව පොලිස් ස්ථානය මෙම නඩුව පිළිබඳව වැඩිදුර විමර්ශන කටයුතු සිදුකරමින් පවතී.