ඉන්දියාවේ කල්කටා නුවර පැවති 31 වැනි අන්තර්ජාතික සිනමා උළෙලේ ( Golden Royal Bengal Tiger Film Festival ) ප්‍රධානතම සම්මානයක් වූ හොදම අධ්‍යක්ෂවරයාට ( Best Director ) හිමි සම්මානය , ශ්‍රී ලාංකික චිත්‍රපටයක් වූ ” රිවස්ටන් ” (Riverstone ) චිත්‍රපටයේ අධ්‍යක්ෂවරයා වූ ලලිත් රත්නායක මහතාට හිමි වී තිබෙනවා.
එය භාර ගැනීමට එම චිත්‍රපටයේ නිෂ්පාදකවරයෙකු වූ ප්‍රහාත් රෝෂන් මහතා ඉන්දියාවට ගොස් තිබූ අතර , ඔහු එම සම්මානයත් රැගෙන පසුගිය දින රාත්‍රී කටුනායක ගුවන් තොටුපොළට පැමිණියා.
මෙම සිනමා උළෙල ලෝකයේ රටවල් 100 ක පමණ චිත්‍රපට අධ්‍යක්ෂවරුන් සහ නිෂ්පාදකවරුන්ගේ සහභාගීත්වයෙන් ඉන්දියාවේ කල්කටා නුවරදී පැවැත්වුණා.
එහිදී මෙම සම්මානය සමග චිත්‍රපට අධ්‍යක්ෂ ලලිත් රත්නායක මහතා වෙත ශ්‍රි ලංකා රුපියල් ලක්ෂ හැත්තෑ පහක් වටිනා ඉන්දියානු රුපියල් 2.1 ක මුදල් ත්‍යාගයක් ද හිමි වී තිබුණි .
මෙම චිත්‍රපටයට මීට පෙර චීනයේ ෂැංහයි නුවර පැවති සිනමා උළෙලකදී ද සම්මානයට හිමි වී තිබූ අතර , ඉදිරියේදී තවත් ලෝකයේ රටවල් ගනනාවක පැවැත්වෙන සිනමා උළෙල කීපයකටම සහභාගී වීමට නියමිතය .
ඔහු පිළිගැනීම සදහා මෙම චිත්‍රපටයේ සම නිෂ්පාදකවරියක වූ නිමන්ති පෝරගේ , ශ්‍රි ලංකා ජාතික චිත්‍රපට සංස්ථාවේ සාමාන්‍යාධිකාරී රුවන් ප්‍රේමවීර ඇතුළු උසස් නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා .
ඉන්දියාවේ සම්මාන උළෙලකදී හොඳම අධ්‍යක්ෂවරයා වුණු ශ්‍රී ලාංකිකයා
