මිට මාස දෙකකට පෙර ඇෆ්ගනිස්තානයේ සිදු වූ බල පෙරළියත් සමඟ එරට කාන්තාවන්ගේ අනාගතය අවිනිශ්චිත තත්ත්වයකට ඇද වැටී ඇතැයි ඇෆ්ගනිස්තානයේ හිටපු ඇමැතිනි මසූඩා ජලාල් ප්‍රකාශ කර තිබේ. එමෙන්ම තලේබාන් සංවිධානය යළි බලයට පත් වීම හේතුවෙන් ඇෆ්ගනිස්තාන කාන්තාවන් බියට පත් වී ඇතැයි ද ඇය සඳහන් කළාය.
දකුණු ආසියා ආරක්ෂක සංසදයට අන්තර්ජාලය ඔස්සේ සම්බන්ධ වෙමින් ඇය මේ අදහස් පළ කර ඇතැයි විදෙස් මාධ්‍ය වාර්තා කළේය.
වසර 2004 ඇෆ්ගනිස්තාන ජනාධිපතිවරණයට ඉදිරිපත් වූ එකම කාන්තාව වූ ඇය වැඩි දුරටත් ප්‍රකාශ කර ඇත්තේ තලෙබාන් පාලනය නිසා එරට කාන්තාවන් තම නිවෙසේ පවා ජීවත්වීමේ බියෙන් පසුවන බවය.
මසූඩා ජලාල් 2004 ඔක්තෝබර් මාසයේ සිට 2006 දක්වා ඇෆ්ගනිස්තානයේ කාන්තා කටයුතු පිළිබඳ ඇමතිවරිය ලෙස සේවය කළ අතර, කාන්තාවන්ට එරෙහිව ක්‍රියාකාරකම් වැඩි කරමින් සිටින තලේබාන් සංවිධානය එම අමාත්‍යාංශය වසා දැමිමට පියවර ගෙන තිබේ.