වයඹදිග නේපාලයේ සිදු වූ බස්රථ අනතුරකින් පුද්ගලයන් 28 දෙනෙකු ජීවිතක්ෂයට පත්ව තවත් බොහෝ පිරිසක් තුවාල ලබා ඇතැයි විදෙස් මාධ්‍ය වාර්තා කරයි.
මුගු දිස්ත්‍රික්කය හරහා මඟී ප්‍රවාහන බස් රථයක් ගමන් කරමින් තිබියදී මාර්ගයෙන් ඉවතට පැන අඩි 500ක පමණ කඳු බෑවුමකට පෙරළීමෙන් මෙම අනතුර සිදුව ඇති බව සදහන් වේ.
අනතුරට හේතුව අපැහැදිලි නමුත් ඇතැම් වාර්තාවල දැක්වෙන්නේ බස් රථයේ තිරිංග ක්‍රියා විරහිත වීම හේතුවෙන් බසයේ ගැටලුවක් තිබෙන්නට ඇති බවයි. නේපාලයේ සහ ඉන්දියාවේ ප්‍රධාන ආගමික උත්සවයක් වන දශායින් සැමරීමෙන් පසු බස් රථයේ සිටි බොහෝ දෙනෙක් නිවෙස් බලා යන අය විය හැකි බව වාර්තාවේ.
බස් රථය අනතුරට පත්වන විට එහි කොපමණ පිරිසක් ගමන් කරමින් සිටියාද යන්න පැහැදිලි නැති නමුත් මියගිය සංඛ්‍යාව තවදුරටත් ඉහළ යා හැකි බව පොලිසිය පවසයි.