වසර 2008දී අමෙරිකා හමුදා භට පිරිසකට ප්‍රහාරයක් එල්ල කරමින් සෙබළුන් තිදෙනකු ඝාතනය කිරීම හේතුවෙන් තලේබාන් රජයේ හිටපු හමුදා නායක හාජි නජිබුල්ලාට එරෙහිව චෝදනා ගොනු කිරිමට අමෙරිකාව පියවර ගෙන ඇතැයි වාර්තා වේ.
එම වසරේදිම අමෙරිකානු මාධ්‍යවේදියකු පැහැරගෙන යෑම හේතුවෙන් අදාළ හමුදා ප්‍රධානියා චෝදනා ලබා සිටි අතර, පසුව එල්ල කළ ප්‍රහාරයේදී අමෙරිකා හමුදා සෙබළුන් තිදෙනාට අමතරව ඔවුන්ගේ ඇෆ්ගනිස්තාන භාෂා පරිවර්තකයා ද ජීවිතක්ෂයට පත් වී තිබිණි. එම ප්‍රහාරය අතරතුර තලේබාන් සංවිධානය අමෙරිකාවට අයත් හෙලිකොප්ටරයක් ද බිම හෙළා තිබිණි.
අමෙරිකා නීති දෙපාර්තමේන්තුව ප්‍රකාශ කර ඇත්තේ මේ චෝදනාවට වරදකරු වන තලේබාන් රජයේ හිටපු හමුදා නායකයාට වසර 20ක් දක්වා උපරිම සිර දඬුවමක් නියම කළ හැකි බවය.