20 වැනි ආණ්ඩුක්‍රම ව්‍යවස්ථා සංශෝධනය වහාම අවලංගු කළ යුතු අතර 19 වැනි ආණ්ඩුක්‍රම ව්‍යවස්ථා සංශෝධනයේ අඩුපාඩු සකසා යළි ගෙන ආ යුතු යැයි හිටපු ජනාධිපති සහ ශ්‍රී ලංකා නිදහස් පක්ෂයේ නායක මෛත්‍රිපාල පවසයි.
හෙතෙම මේ බව ප්‍රකශ කළේ මාතලේ ‘The Grand Mountain’ හෝටලයේ පැවැති දිස්ත්‍රික් ශ්‍රී ලංකා නිදහස් පක්ෂයේ මාතලේ දිස්ත්‍රික් සම්මේලනය අමතමිනි.
හොරුන්ගෙන්, දූෂිතයන්ගෙන් සහ වංචනිකයින්ගෙන් තොරව නව සංධාන ආණ්ඩුවක් යටතේ පුළුල් ජාතික ප්‍රතිපත්තියක් සකස් කරමින් නව ගමනකට නායකත්වය ලබා දෙන්න ශ්‍රී ලංකා නිදහස් පක්ෂය සූදානම් යැයි ද, තනි දේශපාලන පක්ෂයකට යළි ආණ්ඩුවක් පිහිටුවීමට නොහැකි යැයිද මෛත්‍රීපාල සිරිසේන මහතා පෙන්වා දෙයි.