පුහුණු ශ්‍රී ලාංකිකයින්ට ලිබියාවේ රැකියා අවස්ථා ලබාගත හැකි බව ශ්‍රී ලංකා ලිබියානු තානාපති කාර්යාලයේ කම්කරු අංශ ප්‍රධානී එසාම් ඩ්‍රයාග් පවසයි.
මේ වන විට ලිබියානු ආර්ථිකය ඉහළ ස්ථාවරතාවයකට පත්වී ඇති බවත් රට තුළ දේශපාලන ස්ථාවරත්වයත් ඇතිවී තිබෙන බැවින් ලිබියානු රජය සමග ශ්‍රී ලංකාව ගිවිසුම අත්සන් කර ශ්‍රී ලාංකික පුහුණු ශ්‍රමිකයින් සදහා එරට රැකියා අවස්ථාවන් ලබාගත හැකි බවත් ඒ මහතා පවසයි.
ශ්‍රී ලංකා ලිබියානු තානාපති කාර්යාලයේ කම්කරු අංශ ප්‍රධානී එසාම් ඩ්‍රයාග් මහතා සහ ශ්‍රී ලංකා විදේශ සේවා නියුක්ති කාර්යාංශයේ සභාපති, මේජර් ජෙනරාල් මහින්ද හතුරුසිංහ මහතා අතර පැවති හමුවකදී ඒ සම්බන්ධයෙන් අදහස් හුවමාරු කර ගෙන තිබුණි.