මිදිගම පොලිස් වසමේ තුර්කි ගම්මානයේ ඊයේ (20) සිදු කළ වෙඩි තැබීමකින් පුද්ගලයෙක් මිය ගොස් තිබේ.
වෙඩිතැබීම හේතුවෙන් බරපතළ තුවාල ලබා සිටි පුද්ගලයා වලාන රෝහලට ඇතුළත් කිරීමේදී මෙලෙස මිය ගොස් ඇත.
ඊයේ රාත්රී කාලයේදී මේ සම්බන්ධයෙන් මිදිගම පොලිසියට ලද තොරතුරු මත විමර්ශන ආරම්භ කර ඇති අතර මිය ගිය පුද්ගලයා 46 හැවිරිදි මිදිගම, තුර්කි ගම්මානයේ පදිංචි අයෙකු බවට අනාවරණය වී තිබේ. එම පුද්ගලයාගේ මළ සිරුර මරණ පරීක්ෂණ සඳහා මාතර මෘත ශරීරාගාරයේ තබා ඇත.
වෙඩි තැබීම සිදු කළ සැකකරු හඳුනාගෙන ඇති අතර අත්අඩංගුවට ගැනීම සඳහා මිදිගම සහ වැලිගම පොලිස් ස්ථාන එක්ව වැඩිදුර විමර්ශන පවත්වාගෙන යන බව පොලිසිය පවසයි.