ආණ්ඩුවට දෙයියන්ගේ හාල් කැවී ඇති බව විපක්ෂ නායක සජිත් ප්රේමදාස පැවසීය. අද (21) විශූද්ධාරාම විහාරස්ථානයේ ඉදිකරනු ලැබූ දහම්පාසල් ගොඩනැගිල්ල විවෘත කිරීමේ අවස්ථාවට එක්වෙමින් විපක්ෂ නායකවරයා මේ බව ප්රකාශ කළේය.
අද වනවිට පාරිභෝගික භාණ්ඩ මිල හිතුමනාපෙට ඉහළ යන බවත් ආණ්ඩුවට ඒ කිසිවක් පිලිබදව වගක්වත් නැති බවත් පැවසූ විපක්ෂ නායකවරයා කියා සිටියේ ආණ්ඩුවට දෙයියන්ගේ හාල් කැවී ඇති බවයි.
මේ අන්තනෝමතික පාලනය තුළ සමස්ත ගොවිජනතාව අනාථ වී ඇති බව කී ඒ මහතා මේ ආණ්ඩුව බිහිවී ඇත්තේ ජනතාව වනසා දැමීමට බවත් කීය.