සතොස සේවකයින් දේශපාලනය සඳහා යොදවා ගත්තේ යැයි පවසමින් අමාත්ය ජොන්ස්ටන් ප්රනාන්දුට එරෙහිව ගොනුකර තිබූ නඩු තුනකින් ඔහු නිදහස් කර තිබේ.
ජොන්ස්ටන් ප්රනාන්දු වෙළඳ අමාත්යවරයා වශයෙන් කටයුතු කරමින් සිටියදී සතොස ආයතනයේ සේවකයින් 153 දෙනෙක් ඔවුන්ගේ නීත්යනුකූල රාජකාරිවලින් ඉවත් කර දේශපාලන ක්රියාකාරකම්වල යෙදීම තුළින් රජයට රුපියල් කෝටි හතරකට ආසන්න පාඩුවක් සිදු කළේ යැයි චෝදනා කරමින් අල්ලස් කොමිසම විසින් අමාත්ය ජොන්ස්ටන් ප්රනාන්දු ඇතුළු විත්තිකරුවන් තුන් දෙනෙකුට එරෙහිව මෙම නඩු තුන ගොනුකර තිබේ.