කොරෝනා වංසගතය හේතුවෙන් සමස්ත බ්‍රිතාන්‍යය ලොක්ඩවුන් කර තිබිය දී අග්‍රාමාත්‍ය බොරිස් ජොන්සන් ඩවුනින් වීදියේ පිහිටි සිය නිල නිවසේ සාද පැවැත්වීම ගැන විමර්ෂණයක් කර තිබෙනවා.
සිවිල් සේවා නිලධාරිනියක වන සූ – ග්‍රේ විසින් සකස් කළ එම වාර්තාව බ්‍රිතාන්‍යය පාර්ලිමේන්තුවේදී ඊයේ (31) විවාදයට ලක් වී තිබුණා.
අදාළ වාර්තාව මගින් මීට පෙර ප්‍රකාශයට පත් නොකෙරෙනු සාද 3ක් ද ඇතුළත්ව අග්‍රාමාත්‍ය නිල නිවසේ පැවති සාද 16ක් පිළිබදව කරුණු ඉදිරිපත් කර ඇත.
එලෙස 2020 වසරේ මැයි 20 වන දා පැවැත්වූ සාදයක් සඳහා තමන්ගේම මත්පැන් රැගෙන එන ලෙස දන්වා ඇති අතර, එම වසරේ ජුනි 20 වන දා පවත්වා ඇත්තේ අග්‍රාමාත්‍ය බොරිස් ජොන්සන්ගේ උපන් දින සාදයයි.
මේ සම්බන්ධයෙන් පාර්ලිමේන්තුවේදි, සමාව ඉල්ලා වැරදි නිවැරදි කරගැනීමට කටයුතු කරන බව අග්‍රාමාත්‍යවරයා පාර්ලිමේන්තුවේදී ප්‍රකාශ කළත් විපක්ෂ කම්කරු පක්ෂයේ නායක ශ්‍රීමත් කියර් ස්ටාමර් සඳහන් කළේ අග්‍රාමාත්‍යවරයා මෙම සිදුවීමේදි කළ යුත්තේ ඉල්ලා අස්වීම බවයි.