පෞද්ගලික ඉඩමක් හරහා අම්පාර – බක්කිඇල්ල – රජගල කන්ද ප්රදේශයේ වනඅලි පළවා හැරීම සඳහා අලුතින් ඉදි කරන ලද විදුලි වැටක් පරීක්ෂා කිරීමට ගිය වනජීවී නිලධාරීන් තිදෙනෙකුට ඉඩම් හිමියන් විසින් පහරදී තුවාල සිදුකර ඇති බවට වාර්තා වෙයි.
තුවාල ලැබූ වනජීවී නිලධාරීන් තුන්දෙනාගෙන් එක් අයෙකු අම්පාර රෝහලේ ප්රතිකාර ලබන අතර, අනෙක් දෙදෙනා ගොනාගොල්ල රෝහලේ ප්රතිකාර ලබන බව සඳහන්.
මේ පිළිබඳ බක්කිඇල්ල පොලිසියට පැමිණිල්ලක් ලැබී ඇති අතර සිද්ධිය සම්බන්ධයෙන් සැකකරුවන් තුන්දෙනෙකු පොලිසිය විසින් අත්අඩංගුවට ගෙන ඇති බවයි පොලිස් මාධ්ය ප්රකාශක කාර්යාලය සඳහන් කළේ.