වැලමිට සහ පපුවේ තැලීම් තුවාල සහිත පුද්ගල මළ සිරුරක් අද (04) උදෑසන පයාගල මුහුදු වෙරළට ගොඩගසා ඇති බව පයාගල පොලිසිය පවසයි.
පයාගල, දළුවත්ත, ප්‍රගති මාවත අවසානයේ මුහුදු වෙරළේ වැටකෙයියා පඳුරක් අසල පුද්ගලයෙකු ඝාතනය කර ඇති බවට ලද තොරතුරක් මත පොලීසිය පරීක්ෂණ ආරම්භ කර තිබේ.
මෙය මනුෂ්‍ය ඝාතනයක් බවට සැක පළ කෙරේ. මේ සම්බන්ධයෙන් මහේස්ත්‍රාත් පරීක්ෂණයක් සිදු කළ යුතු බව හදිසි මරණ පරීක්ෂක රෙජිනෝල්ඩ් හෙට්ටිආරච්චි මහතා පරික්ෂා කිරීමෙන් අනතුරුව පොලිසියට උපදෙස් දී ඇත.
සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මකයි.