මැතිවරණය සහ ඡන්ද විමසීම් ව්‍යුහයේ හා නීති රීතිවල ප්‍රතිසංස්කරණ හඳුනා ගනිමින් ඊට අවශ්‍ය සංශෝධන ඉදිරිපත් කිරීමට කටයුතු කළ බව අමාත්‍ය දිනේෂ් ගුණවර්ධන පැවසීය.
මැතිවරණ ක්‍රමය කුමක් විය යුතුද? යන්න එහිදී සාකච්ඡාවට ලක්වී ඇති අතර මිශ්‍ර ඡන්ද ක්‍රමයක් හඳුන්වා දෙන්නේ නම් කොට්ඨාශ හා අනුපාත ප්‍රතිශතයන් කෙසේ විය යුතුද යන්න පිළිබඳවද කාරක සභාවේ දී සාකච්ඡාවට ලක්වී තිබේ.
මෙම විශේෂ කාරක සභාව මේ මස 22 හා 24 යන දිනවල යළිත් පාර්ලිමේන්තු සංකීර්ණයේදී රැස්වීමට නියමිතය.
පාර්ලිමේන්තු විශේෂ කාරක සභාවේ වාර්තාව ඉදිරිපත් කිරීම සඳහා ඊට අඩංගු විය යුතු කරුණු සම්බන්ධයෙන් රැස් වූ එම කාරක සභාව සාකච්ඡා කර තිබේ. එහිදී කාන්තා නියෝජනය පිළිබඳවද සාකච්ඡාවට ලක්ව ඇත.