සමාජ මාධ්‍ය ජාල ඔස්සේ සිදු කෙරෙන බඳවා ගැනීමේ වංචාවක් සම්බන්ධයෙන් ශ්‍රී ලංකාවේ කැනේඩියානු මහ කොමසාරිස් කාර්යාලය අනතුරු ඇඟවීමක් කර තිබේ.
‘2022 වසර සඳහා කැනඩා රජයේ රැකියා සඳහා බඳවා ගැනීම්’ පිළිබඳව සමාජ මාධ්‍යවල සංසරණය වන දැන්වීම් අසත්‍ය බව කැනේඩියානු මහ කොමසාරිස් කාර්යාලය ට්විටර් පණිවිඩයක් නිකුත් කරමින් කියා සිටියි.
මහ කොමසාරිස් කාර්යාලය වැඩිදුරටත් සඳහන් කළේ මෙම බඳවා ගැනීම් හරහා ක්ෂණික රැකියා බලපත්‍ර ලබාදීමට කටයුතු කරන බවට සඳහන් කරමින් ව්‍යාජ නිවේදනය සිදුකර ජනතාව නොමග යැවීමට කටයුතු කර ඇති බවයි.
මෙම ප්‍රචාරණය අසත්‍ය බව නැවතත් අවධාරණය කරමින් ශ්‍රී ලංකාවේ කැනේඩියානු මහ කොමසාරිස් කාර්යාලය මහජනතාවට අවවාද කර සිටින්නේ මෙම වංචනිකයින්ගෙන් ආරක්ෂාවීමට පියවර ගන්නා ලෙසයි.