පසුගිය රජය සමයේදී එක්සත් ජාතික පක්ෂයේ ජාතික ලැයිස්තුවෙන් පත්වී මේ සභාවේ දින පහක් පමණක් සිටි මන්ත්‍රීවරයකු රජයෙන් ලැබුණු වාහන බලපත්‍රය කෝටි හයකට විකුණා ඇති බව වරාය හා නාවික කටයුතු අමාත්‍ය රෝහිත අබේගුණවර්ධන පාර්ලිමේන්තුවේදී අනාවරණය කළේය.
ඔහු මේ බව අනාවරණය කළේ අපරාධ නඩු විධාන සංග්‍රහය පනත් කෙටුම්පත පිළිබඳ දෙවැනි වර කියැවීමේ විවාදයේදීය.
වසංගතයක් පවතින අවස්ථාවක ජනතාව බිල්ලට දෙමින් වැඩ වර්ජන පැවැත්වීම සාධාරණ නැති බවත් විරුද්ධ පක්ෂයේ අදහස වී ඇත්තේ ආණ්ඩු විරෝධී රැල්ලක් හැදීම බවත් වැඩිදුරටත් කියා සිටියේය.
රනිල් වික්‍රමසිංහ මහතාගේ ඔඩොක්කුවේ සහ හිටපු සෞඛ්‍ය අමාත්‍ය රාජිත සේනාරත්නගේ කරට අතදාගෙන සිටි මේ පුද්ගලයා එසේ ඔඩොක්කුවේ සිටියදී සෞඛ්‍ය ක්ෂේත්‍රයේ වැටුප් විෂමතා ගැන කතා නොකළේ මන්දැයි තමා ප්‍රශ්න කරන බව අමාත්‍යවරයා එහිදී ප්‍රශ්න කළේය.