රටට අනාගතයක් ඇති කිරීමේ යුතුකම ඉටු නොකර පැන ගිය හොත් තරුණ පරපුර වත්මන් දේශපාලකයන්ට ශාප කරනු ඇතැයි එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ පැවසීය. අද (16) විශේෂ ප්‍රකාශයක් කරමින් හෙතෙම මේ බව කියා සිටියේය.
යුතුකම් ඉටු නොකර පැන ගිය හොත් ඔබලා රටේ අනාගතය මෙන්ම අපේ අනාගතය නැති කළා කියා තරුණ පරපුර දේශපාලකයන්ට බැණ වදිනු ඇතැයි එහිදී ඔහු ප්‍රකාශ කළේය.
දිළිඳු ජනගහනය ලක්ෂ පහකින් පමණ වැඩි වී තිබෙන අතර ප්‍රමාණය තවත් වැඩි වීමට නියමිත බවත් මධ්‍යම පන්තිය කඩා වැටී ඉතා අසීරුවෙන් ජීවත් වන අතර ඇතැම් විට ඔවුන්ට මධ්‍යම පන්තියෙන් පිට වීමට සිදුවනු ඇති බවත් ඔහු අවධාරණය කළේය.