මාධ්‍යවේදී චමුදිත සමරවික්‍රම හට ප්‍රමාණවත් ආරක්ෂාවක් සපයන්නැයි කැස්බෑව මහේස්ත්‍රාත් රුවන්දිකා වීරසිංහ අද (18) පොලිසියට නියෝග කර තිබේ.
තමාට ආරක්ෂාව සපයන ලෙසට මාධ්‍යවේදී චමුදිත සමරවික්‍රම මෝසමක් මාර්ගයෙන් කැස්බෑව අධිකරණයෙන් කළ ඉල්ලීමකට අනුව මෙම නියෝගය සිදුකර තිබේ.
ඒ අනුව පොලිසියේ සාක්ෂිකරුවන් හා වින්දිතයන් ආරක්ෂා කිරීමේ පොලිස් කොට්ඨාසයට අධිකරණය නියෝග කළේ මාධ්‍යවේදී චමුදිත සමරවික්‍රම ඇතුළු පවුලේ සාමාජිකයින්ට ප්‍රමාණවත් ආරක්ෂාවක් සපයන ලෙසටයි.
ඉකුත් 14 වැනිදා අලුයම පිළියන්දල ගංගාරාම පාරේ පිහිටි චමුදිත සමරවික්‍රමගේ නිවසට කිසියම් පිරිසක් පැමිණ කළ මැර ප්‍රහාරයෙන් අනතුරුව මෙම පියවර ගෙන තිබේ.