ඊයේ (21) කොවිඩ් ආසාදිත මරණ 31ක් වාර්තා වී ඇතැයි සෞඛ්‍ය සේවා අධ්‍යක්ෂ ජනරාල්වරයා තහවුරු කළේය.
ඒ සමඟ මෙරටින් වාර්තා වූ මුළු කොරෝනා ආසාදිත මරණ සංඛ්‍යාව 16,055 දක්වා ඉහළ ගියේය. මිය ගිය අය අතර වයස අවුරුදු 60 ට වැඩි 24 දෙනෙක්, අවුරුදු 30 ත් 59 ත් අතර 5 දෙනෙක් සහ අවුරුදු 30 ට අඩු දෙදෙනෙක්ද වන බව සෞඛ්‍ය සේවා අධ්‍යක්ෂ ජනරාල්වරයාගේ වාර්තාවේ දැක්වේ.
එමෙන්ම පිරිමි අය 19 දෙනකු සහ කාන්තාවන් 12 දෙනකු මියගිය පිරිසට ඇතුළත් බව එම වාර්තාවේ සඳහන්ය.