සෞඛ්‍ය වෘත්තීයවේදීන් එළැඹෙන 02 වැනිදා සිට යළි වැඩවර්ජනයක් ආරම්භ කිරීමට තීරණයක් කර තිබේ.
රජය විසින් වෘත්තීය සමිති සමඟ ඇතිකරගත් එකඟතාව අනුව ගැටලුවලට විසඳුම් ලබා නොදීම හේතුවෙන් සෞඛ්‍ය වෘත්තීයවේදීන්ගේ සම්මේලනය විසින් මෙම තීරණය ගෙන ඇත.
පසුගියදා දින 09ක් පුරා පැවති එම වැඩවර්ජනය දින 14ක කාලයක් සඳහා තාවකාලිකව අත්හිටවනු ලැබුවේ සෞඛ්‍ය වෘත්තීයවේදීන්ගේ ගැටලුවලට විසඳුම් ලබා දීමට රජය දැක්වූ ප්‍රතිචාරයට අනුවය.
ඒ අනුව එම දින 14ක කාලය එළඹෙන 01 වැනිදායින් අවසන් වේ.