රුසියාව විසින් යුක්රේනයේ කාර්කිව් වෙත එල්ල කළ ෂෙල් වෙඩි ප්‍රහාරයකින් ඉන්දියානු ශිෂ්‍යයෙක් ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.
යුක්රේනයේ අධ්‍යාපනය ලබමින් සිටි 21 හැවිරිදි වියේ පසුවූ ඉන්දීය ශිෂ්‍යයකු මෙලෙස ජීවිතක්ෂයට පත්ව ඇත. යුක්රේනයේ විදේශ සිසුන් බොහෝ දෙනකු අධ්‍යාපනය ලබන අතර එම සිසුන් යුක්රේනයෙන් ඉවත් කර ගැනීමට රටවල් රැසක් මේ වනවිට පියවර ගෙන ඇත.
ඉන්දියාවද තම ශිෂ්‍යයින් ගෙන්වාගැනීම සඳහා විශේෂ ගුවන් යානා යොදා ඇත. අද (01) උදෑසන මෙම ඉන්දීය ශිෂ්‍යයා ෂෙල් වෙඩි ප්‍රහාරයෙන් මියගියේය.
තවමත් යුක්රේනයේ ඉන්දීය ශිෂ්‍ය ශිෂ්‍යාවන් 16,000 ක් සිටින බව ඉන්දීය විදේශ කටයුතු අමාත්‍යාංශය පවසා තිබේ.