පක්ෂයේ මධ්යම කාරක සභාව අනුමැතිය ලබා දෙන්නේ නම් කුමන අවස්ථාවක වුවද ආණ්ඩුවෙන් ඉවත්වීමට සූදානම් බව ශ්රී ලංකා නිදහස් පක්ෂයේ මහ ලේකම්, රාජ්ය අමාත්ය දයාසිරි ජයසේකර පවසයි.
ඔහු මේ බව ප්රකාශ කළේ ඊයේ (01) කොළඹදී පැවති මාධ්ය හමුවකට එක්වෙමිනි.
ආණ්ඩුවේ හවුල්කාර පක්ෂ 11 විශේෂ හමුවක් අද පැවැත්වෙන අතර මෙම හමුව සඳහා ශ්රී ලංකා නිදහස් පක්ෂයද සහභාගිවීමට නියමිතය. දයාසිරි ජයසේකර පවසන්නේ ශ්රීලනිප සභාපති මෛත්රීපාල සිරිසේනගේ නායකත්වයෙන් මෙම සාකච්ඡා පැවැත්වෙන බවයි.