ඩොලර් හිඟය හමුවේ ආර්ථිකය පත්ව ඇති අර්බුදයෙන් ගොඩ ගැනීම සඳහා අවශ්‍ය කටයුතු කරගෙන යන බව මුදල් අමාත්‍ය බැසිල් රාජපක්ෂ ආණ්ඩුවේ පසුපෙළ මන්ත්‍රී කණ්ඩායම සමඟ ඊයේ පැවති සාකච්ඡාවේ දී ප්‍රකාශ කර ඇත.
එබැවින් ඒ සම්බන්ධයෙන් කලබල විය යුතු නැති බවත් අමාත්‍යවරයා එහිදී පෙන්වා දී ඇත.
මුදල් අමාත්‍ය බැසිල් රාජපක්ෂ සහ ආණ්ඩුවේ පසුපෙළ මන්ත්‍රීවරුන් අතර හමුව පාර්ලිමේන්තු සංකීර්ණයේදී ඊයේ පස්වරුවේ පවත්වා ඇති අතර ආණ්ඩුවේ පසුපෙළ නියෝජනය කරන නීතිඥ ප්‍රේමනාත් දොලවත්ත හැර පසුපෙළ අනෙකුත් මන්ත්‍රීවරුන් සියලු දෙනාම ඊට සහභාගි වී තිබේ.