ජාත්‍යන්තර මූල්‍ය අරමුදලේ ආසියානු පැසිෆික් දෙපාර්තමේන්තු ප්‍රධානියා වශයෙන් කටයුතු කරනු ලැබූ Changyong Rhee සිය ධුරයෙන් විශ්‍රාම යාමට තීරණය කර තිබේ.
ඔහු ඉකුත් සතියේදී ශ්‍රී ලංකාවේ සංචාරයකද නිරත වූ අතර එහිදී ජනාධිපති ගෝඨාභය රාජපක්ෂ සහ මුදල් අමාත්‍යවරයාද හමුවී සාකච්ජා කරනු ලැබීය. ජාත්‍යන්තර මූල්‍ය අරමුදලේ ආසියානු පැසිෆික් දෙපාර්තමේන්තු ප්‍රධානියා මෙලෙස සිය ධුරයෙන් විශ්‍රාම යෑමට හේතුව වී ඇත්තේ ඔහු දකුණු කොරියානු මහ බැංකුවේ ප්‍රධානියා ලෙසට නම් කිරීමත් සමගයි.
මේ වන විට දකුණු කොරියාවේ ආර්ථිකය තුළ ඇතිවී තිබෙන අධික උද්ධමනය සහ පොළී අනුපාතයන් ඉහළ යාම පාලනය කිරීම සඳහා පළපුරුදු නිලධාරියෙකුගේ සේවය අවශ්‍ය බැවින් මෙලෙස හිටපු IMF ප්‍රධානියාව පත් කිරීමට දකුණු කොරියාව තීරණය කර තිබෙන බවයි විදෙස් මාධ්‍ය වාර්තා කරයි.