යුක්‍රේනය හා රුසියාව අතර පළමු වටයේ සාම සාකච්ජා සඳහා සහභාගී වූ රුසියානු බිලියනපතියෙකු වන රොමාන් අබ්‍රමොවිච්ට කිසියම් විෂක් ශරීරගත වී ඇති බවට සැක පළවී තිබේ.
ඔහුට සාම සාකච්ජා අතරතුර මෙම විෂ ශරීරගත වන්නට ඇතැයි විදෙස් මාධ්‍ය වාර්තා කරයි. ඔහු පසුගිය මාසයේ බෙලරුස් – යුක්‍රේන දේශසීමා ප්‍රදේශයේ පැවති සාකච්ඡාවලට සහභාගී විය. ඔහු සමඟ සිටි යුක්‍රේන සාම සාධක නියෝජිතයන් දෙදෙනෙකුටද විෂ ශරීරගත වීමක් සිදුව ඇති බව වාර්තා වෙයි.
ඔවුන්ගේ ඇස්වල දැවිල්ලක් හා හඳුනා නොගත් චර්ම ආසාදනයක් හටගෙන ඇති බව විදෙස් මාධ්‍ය වාර්තා කරයි. රොමාන් අබ්‍රමොවිච් සුප්‍රසිද්ධ චෙල්සි පාපන්දු කණ්ඩායමේ හිමිකරුද වෙයි.
රුසියාව හා යුක්‍රේනය අතර දෙවැනි වටයේ සාම සාකච්ජා අද (29) පැවැත්වීමට නියමිතය.