ඩීසල් හිඟය හමුවේ තේ කර්මාන්තශාලා රැසක මෙහෙයුම් කටයුතු මේ වනවිට තාවකාලිකව නවතා තිබේ.
විදුලිය නොමැති අවස්ථාවල විදුලි ජනන යන්ත්ර මගින් කර්මාන්තශාලා ක්රියාත්මක කිරීමට සැලසුම් කර තිබුණද ඩීසල් නොමැති වීම හේතුවෙන් දැඩි ගැටලු පැන නැගී ඇති බව වතු අධිකාරීවරුන් පවසයි.
සාමාන්යයෙන් දළු අස්වැන්න කර්මාන්ත ශාලාවල ඇඹරුම් යන්ත්රවලට දැමූ පසු ඒවා එක්වර ඇඹරිය යුතු වන අතර දිගු පැය ගණනක් විදුලිය විසන්ධි කිරීම හේතුවත්, ඩීසල් හිඟයත් හේතුවෙන් මෙම ක්රියාවලිය අඛණ්ඩව සිදු කිරීමට බාධා මතුව තිබේ.
වැවිලි කර්මාන්ත අමාත්යංශයේ ලේකම් රවීන්ද්ර හේවාවිතාරණ ප්රකාශ කළේ ඛනිජ තෙල් සංස්ථාව සමඟ සාකච්ඡා කර විශේෂ ක්රමවේදයක් යටතේ තේ කර්මාන්තකරුවන්ට අවශ්ය ඉන්ධන ලබාදීමට කටයුතු කරන බවයි.