නුවරඑලිය බස් නැවතුම්පොලේ සිට ගමන් ආරම්භ කරන දුර සහ කෙටිදුර ධාවන බස් රථ රියදුරන් අද (01) සිට වැඩ වර්ජනයක් ආරම්භ කරමින් උද්ඝෝෂණයක නිරත වෙමින් සිටියි.
දින ගණනාවක් තම බස් රථ ධාවනයට ඩීසල් ඉන්ධන නොලැබුණු බවත් ඒ අනුව තමන්ට ඩීසල් ඉන්ධන ලබාදෙන ලෙස රජයට බලකරමින් මෙම බස් රථ වර්ජනය ආරම්භ කළ බව බස් රථ රියදුරන් පවසයි.
නුවරඑළියේ පැවැත්වෙන උද්ඝෝෂණය හේතුවෙන් පොලිස් කැරලි මර්ධන ඒකකය ඇතුළු පොලිස් නිලධාරින් වසන්ත උදානය පැවැත්වෙන නුවරඑලිය ග්‍රෙගරි වැව පරිශ්‍රයටත්, කාල්ටන් පෙර පාසලටත් දැඩි පොලිස් ආරක්ෂාවක් යොදවා ඇත.
කාල්ටන් පෙරපාසලේ පැවැත්වීමට නියමිතව තිබූ වාර්ෂික අවුරුදු උත්සවයද මෙම විරෝධතාව හෙතුවෙන් නවත්වා ඇත.
