ඇවන්ගාඩ් සභාපති නිශ්ෂංක සේනාධිපති රටින් පැන ගොස් තිබේ.
ජාතික ජන බලවේග මන්ත්රී විජිත හේරත් විසින් මේ බව අද (05) උදෑසන පාර්ලිමේන්තුවට දැනුම් දුන්නේය.
අද පාර්ලිමේන්තුවේදී මහජන පෙත්සම් ඉදිරිපත් කළ අවස්ථාවේ හෙතෙම මේ බව අවධාරණය කළේය.
රටින් පැන ගිය සේනාධිපති වහාම ජාත්යන්තර පොලිසියට දැනුම් දී අත්අඩංගුවට ගැනීමට කටයුතු කරන ලෙසත් රටින් පැන යාමට සිටින අනිකුත් අය වළක්වන ලෙසත් මන්ත්රීවරයා එහිදී කතානායකවරයාගෙන් ඉල්ලා සිටියේය. සේනාධිපති වහා අත්අඩංගුවට ගැනීමට තමා මහජන පෙත්සමක් ලෙස ඉදිරිපත් කරන බව ඔහු පාර්ලිමේන්තුවට දැනුම් දුන්නේය.