තංගල්ල කාල්ටන් නිවස අසළ පැවති විරෝධතාවේදී අත්අඩංගුවට ගත් සැකකරුවන් 12 දෙනාට අධිකරණය විසින් අද (05) අලුයම ඇප ලබා දී තිබේ.
අද අලුයම 1.00 ට පමණ තංගල්ල වැඩ බලන මහේස්ත්රාත්වරයා හමුවට ඔවුන් ඉදිරිපත් කිරීමෙන් අනතුරුව මෙම ඇප ලබාදීම සිදුකර තිබේ.
නීතිවිරෝධි රැස්වීම, පොදු දේපළ පනත යටතේ බස් රථයකට අනර්ථයක් සිදුකිරීම සහ පොලිස් නිලධාරීන්ට තුවාල සිදුකිරීම යන චෝදනා යටතේ අදාළ සැකකරුවන් පිරිස අත්අඩංගුවට ගෙන තිබූ අතර විරෝධතාකරුවන් වෙනුවෙන් නීතිඥවරුන් 18 දෙනෙකු පෙනී සිට තිබේ.