නාමල් රාජපක්ෂට විදේශගත වීමට අවශ්‍යතාවක් ඇති වුවහොත් ඒ පිළිබඳව අධිකරණය දැනුවත් කිරීමට බලාපොරොත්තු වන බව ඔහු වෙනුවෙන් පෙනී සිටී ජනාධිපති නීතිඥ ගාමිණී මාරපණ කොළඹ මහාධිකරණය හමුවේ අද (05) ප්‍රකාශ කළේය.
නාමල් රාජපක්ෂ ඇතුළු විත්තිකරුවන් 06 දෙනෙකුට එරෙහිව මුදල් විශුද්ධිකරණ පනත යටතේ නීතිපතිවරයා පවරා ඇති නඩුව අද කැඳවීය.
මෙම නඩුව අප්‍රේල් 28 වැනිදා කැඳවීමට කොළඹ මහාධිකරණ විනිසුරු නවරත්න මාරසිංහ නියෝග කළේය.