පකිස්ථානයේ නව අග්‍රාමාත්‍යවරයා නිල වශයෙන් තෝරාගැනීම අද (11) සිදු කිරීමට නියමිතය.
එරට ඒකාබද්ධ විපක්ෂය විසින් පකිස්තාන මුස්ලිම් ලීගයේ ප්‍රධානියා වන ෂෙබාස් ෂරීෆ්ගේ නම ඒ සඳහා නිල වශයෙන් නිවේදනය කරනු ලැබූ අතර පකිස්ථාන පාර්ලිමේන්තුව අද රැස්වී ඒ සඳහා අනුමැතිය ලබාදීමට නියමිතය.
සති කිහිපයක දේශපාලන ව්‍යාකූලත්වයත් සමඟ පාර්ලිමේන්තුවේ පැවති විශ්වාසභංග ඡන්ද විමසීමෙන් පරාජයට පත්වීම හේතුවෙන් ඉම්රාන් ඛාන් පකිස්ථාන අග්‍රාමාත්‍ය ධූරයෙන් පෙරේදා නෙරපා හැරීය.