රජයේ සහ රජයේ අනුමත පෞද්ගලික පාසල් අද (18) සිට ආරම්භ කෙරෙන බව අධ්‍යාපන අමාත්‍යංශය නිවේදනයක් නිකුත් කරමින් පවසයි.
අද සිට ක්‍රියාත්මක කිරීමට නියමිතව තිබූ අතිරේක පැයක පාසල් කාලය අත්හිටවූ බවත් එම කටයුතු තවදුරටත් සංවිධානය කිරීමේ අරමුණින් එම තීරණය ගත් බවත් අධ්‍යාපන අමාත්‍ය දිනේෂ් ගුණවර්ධන පැවසීය.
2022 වර්ෂයේ සිංහල සහ දෙමළ පාසල්වල පළමු ශ්‍රේණියට සිසුන් ඇතුළත් කර ගැනීම හෙට (19) සිට සිදු කිරීමට තීරණය කර ඇති අතර මුස්ලිම් පාසල් සඳහා පළමු ශ්‍රේණියට සිසුන් ඇතුළත් කරගැනීම ලබන මැයි මස 05 වැනිදා සිදු කිරීමට
නියමිතය.
සෞඛ්‍ය නීතිරිතිවලට අනුකූලව කෙටි කාලයක් තුළ මෙම වැඩසටහන් පවත්වා අවසන් කිරීමට විදුහල්පත්වරුන් වගබලා ගත යුතු බවද අධ්‍යාපන අමාත්‍යාංශය නිකුත් කළ නිවේදනයේ වැඩිදුරටත් සඳහන් වේ.