ආරක්ෂක මණ්ඩල රැස්වීමට කැඳවා තිබුණත් තමා එහි නොගිය බව අග්‍රාමාත්‍ය මහින්ද රාජපක්ෂ අද (22) පාර්ලිමේන්තුවේදී පැවසීය.
ඒ වරද සිදුවූයේ තමා අතින් බවත් ඒ රැස්වීමේ තොරතුරු එදිනම සවස් කාලයේදි තමාට ලබා දුන් නිසා එතන කිසිදු ගැටළුවක් නොමැති බවත් අග්‍රාමාත්‍යවරයා එහිදී ප්‍රකාශ කළේය.
එහිදී ඇතිවූ සංවාදය පහතින්,
විපක්ෂ නායක සජිත් ප්‍රේමදාස:
රඹුක්කන සිද්ධියෙන් පස්සේ ජාතික ආරක්ෂක කවුන්සිලය කැඳෙව්වා. නමුත් ඒ රැස්වීමට අගමැති තුමා සහභාගි කරගත්තේ නෑ. ඒක තමයි ඇත්ත. අපි ඉදිරිපත් කරන සංශෝධනය ක්‍රියාත්මක කළානම් මේ වගේ තත්වයක් උදාවන්නේ නැහැ. අගමැතිතුමාට බලය ලැබෙනවා.
ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග:
අගමැතිතුමා කැඳවලා තිබුණා. නමුත් එතුමට යන්න බැරි වුණා. විපක්ෂ නායකතුමා පුන පුනා කියන්නේ ටොම් පචයක්.
අගමැති මහින්ද රාජපක්ෂ:
නායකතුමා ප්‍රශ්නයක් ඇහුවා. ඔව් මම කැඳෙව්වා. නමුත් මම ගියේ නෑ . ඒ වරද මගේ. ඒත් එතැන තොරතුරු ඔක්කොම මට පස්සේ දැනුම් දුන්නා.