ජනාධිපති ගෝඨාභය රාජපක්ෂ සහ අග්‍රාමාත්‍ය මහින්ද රාජපක්ෂ වහාම එම ධූරවලින් ඉවත් විය යුතු බව විශේෂඥ වෛද්‍යවරුන්ගේ සංගමය නිවේදනයක් නිකුත් කරමින් පවසයි.
ජනාධිපතිවරයා සහ අග්‍රාමාත්‍යවරයා ඉවත් වූ පසු ශ්‍රී ලංකාවේ මහ ජනතාව මුහුණ දී සිටින ආර්ථික අර්බුදය කළමනාකරණය කිරීම සඳහා නව අන්තර්වාර පාලනයක් ස්ථාපනය කළ යුතු බව එම සංගමය පවසයි.
අදාළ නිවේදනය නිකුත් කරමින් එම සංගමය පැවසුවේ ඊයේ (24) පැවති වාර්ෂික මහා සම්මේලනයේදී මෙම සම්මුතියට එළඹුණු බවයි.
