ජනාධිපති ගෝඨාභය රාජපක්ෂ සහ අග්‍රාමාත්‍ය මහින්ද රාජපක්ෂ සිය ධුරවලින් ඉවත් වී නව ජනාධිපතිවරයෙක් සහ අග්‍රාමාත්‍යවරයෙක් පත් කර ගැනීමට පාර්ලිමේන්තුවට බලය පැවරිය යුතු බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රිනී සුදර්ශනී ප්‍රනාන්දුපුල්ලේ පැවසුවාය.
වත්මන් ජනාධිපතිවරයා සහ අග්‍රාමාත්‍යවරයා යටතේ ආණ්ඩුවක් සෑදීමට පාර්ලිමේන්තුව නියෝජනය කරන අනිකුත් දේශපාලන පක්ෂ සූදානම් නොමැති බවත් රටේ පවතින තත්වය හමුවේ තමා ඉතා සංවේදී වන අතර රටේ ජනතාවගෙන් තමා සමාව ඉල්ලා සිටින බවත් පැවසුවාය.
අද වනවිට රටේ දැවැන්ත ඖෂධ හිඟයක් ඇති බවත් එය ඉදිරියේදී තවත් වර්ධනය වන බවත් එහිදී අවධාරණය කළාය. සුදර්ශනී ප්‍රනාන්දුපුල්ලේද පසුගියදා ස්වාධීන වූ මන්ත්‍රී කණ්ඩායමේ සාමාජිකාවකි.