අනුරාධපුරයේ පිහිටි ‘ඥානක්කා’ගේ නිවසට සහ ඇයගේ දේවාලයේ ආරක්ෂාව සඳහා පොලිස් නිලධාරින් 20කට අධික ප්‍රමාණයක් යොදවා ඇතැයි ප්‍රදේශවාසීහු පවසති.
දිවා රාත්‍රී සේවා මුර ක්‍රමයට එම නිලධාරින් යොදවා ඇති අතර මේ සම්බන්ධයෙන් විමසීමේදී පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව ප්‍රකාශ කළේ උතුරු මැද පළාත් ජ්‍යෙෂ්ඨ නියෝජ්‍ය පොලිස්පතිවරයා විසින් කැඳවූ බුද්ධි වාර්තා අනුව කලහකාරී සිදුවීම්වලින් තර්ජන විය හැකි ස්ථාන කිහිපයක් හඳුනාගෙන ඇති බවත් ඒ අනුව එම ස්ථානවලට ආරක්ෂාව සපයා ඇති බවත්ය.