ශ්‍රී ලංකාවට නවසීලන්තයේ කිරි හා සත්ව නිෂ්පාදන සහන ණය ක්‍රමයට ලබා දීමට ශ්‍රී ලංකාවේ නවසීලන්ත මහ කොමසාරිස් මයිකල් ඇපල්ටන් එකඟත්වය පළ කර තිබේ.
නවසීලන්ත මහ කොමසාරිස්වරයා හා රාජ්‍ය පරිපාලන, ස්වදේශ කටයුතු සහ පළාත් සභා හා පළාත් පාලන ඇමති දිනේෂ් ගුණවර්ධන හමු වූ අවස්ථාවේදී මේ බව ප්‍රකාශ කර තිබේ.
දෙරට අතර පවතින ආර්ථික හා සංවර්ධන සබඳතා වර්ධනය කිරීම හා නවමු ආර්ථික හා සංවර්ධන සංකල්පයන් කෙරෙහි යොමුවීම පිළිබඳවද මෙම හමුවේදී දීර්ඝ වශයෙන් සාකච්ඡා වී තිබේ.