රටේ ගැටළුවට කෙටිකාලීනව ලබාදිය හැකි ප්‍රායෝගිකම විසඳුම පොහොට්ටුවේ අලුත් අගමැතිවරයකු යටතේ අන්තර්වාර පාලනයක් ඇති කිරීම බවත් ඒ සඳහා වඩාම සුදුස්සා ඩලස් අලහප්පෙරුම බවත් ශ්‍රී ලංකා පොදුජන පෙරමුණේ බදුලු දිස්ත්‍රික් පාර්ලිමේන්තු ඩිලාන් පෙරේරා පැවසීය.
අගමැතිවරයකු පත් කිරීමේ වැඩිම අවස්ථාවක් ඇත්තේ පසුගිය ජනාධිපතිවරණයේදී හා මහමැතිවරණයේදී වැඩිම ජනවරම ලැබූ පොහොට්ටු මන්ත්‍රීවරයාට බව ඔහු අවධාරණය කළේය.
උද්දච්චකම්, ඔලමොට්ටලකම්, ආඩම්බරකම් සමහරුන්ගේ තිබූ බවත් ඒ වැරදි වටහාගෙන මේ මොහොතේ කළ හැකි හොඳම දේ අන්තර්වාර පාලනයක් ඇති කිරීම බවත් ඔහු ප්‍රකාශ කළේය.