ආණ්ඩුවෙන් ස්වාධීන වූ කණ්ඩායම විසින් තමන්ගේ මව පිළිබඳව සිදු කළ ප්‍රකාශ සම්පූර්ණයෙන්ම අසත්‍ය බව විපක්ෂනායක සජිත් ප්‍රේමදාස පැවසීය.
අද (06) පෙරවරුවේ පාර්ලිමේන්තුව අමතමින් සජිත් ප්‍රේමදාස ප්‍රකාශ කළේ තමන්ගේ 87 හැවිරිදි මව පිළිබඳව පවා බොරු කියමින් පාර්ලිමේන්තුවත් රටේ ජනතාවත් නොමග යැවීමට ඔවුන් කටයුතු කරන බවයි.
මෙම ප්‍රකාශ පසුගිය ජනාධිපතිවරණ සමයේ කැළණි ගඟ දෙබෑ කරමින් නාග රාජයා මතුවුණු පන්නයේ ඒවා බවත් විපක්ෂනායකවරයා එහිදී අවධාරණය කළේය.
ආණ්ඩුවේ විසින් තමන් සම්බන්ධයෙන් හෝ තම පවුලේ අය සම්බන්ධයෙන් කොපමණ අසත්‍ය චෝදනා එල්ල කළත් තමන් රටේ ලක්ෂ 220ක් වන ජනතාව වෙනුවෙන් අඛණ්ඩවම පෙනී සිටින බවත් විපක්ෂ නායකවරයා ප්‍රකාශ කළේය.